أبدأ بالسهل؟ ولا بالصعب؟ | مبدأ 17 من سلسلة 21 مبدأ لحياة أكثر إيجابية أسلوب osloop

كل سنة وإنتي طيبة يا فرح - طلب من صديقتك فاطمة ياسر ❤️

إبدأ يومك مع مبادىء اسلوب و البدأ رقم 17 من سلسلة ال21 مبدأ لحياة اكثر إيجابية

إخلص من الصعب و سيب السهل فى الاخر
شغل شغل شغل

كل يوم ورانا شغل كتير اوي مش بنلاحق عليه.

و أوقات كتيرة اوي بنكسل نعمل الشغل, من كتر ما هو صعب و بينتهي يومنا من غير ما نكون أنجزنا اي حاجة علي الرغم من اننا بتكون اخر اليوم تعبانين و هلكانين.
و ده لاننا دايما بنستسهل و نشتغل الاشغال و الاعمال السهلة و نسيب الصعب.
و الشغل الصعب ده لازم يخلص شئنا أو أبينا!!

فمن الذكاء اننا دايما نبدأ اليوم و إحنا فى كامل طاقتنا بأننا نخلص الشغل الصعب و المتعب الاول.

و بكده هنلاقي نفسنا خفاف اوي, كأن عبئ و خف من علي كتفنا و نكمل اليوم بطاقة إيجابية و شحنة سعادة كبيرة أوي,

لاننا هانكون خلصنا الشغل الصعب و خلصنا منه

و يبقي زي ما بيقولوا فات الكتير و ما بقي إلا القليل!!

زي مثلا أعزائنا الطلاب, لما يكون عندكم مادة غلسة مثلا و لازم تذاكروها.......

فمن الذكاء انكم تبدأوا اليوم بمذاكرتها الاول و تخلصوا من عبئها...

هتلاقوا نفسكم فرحتم جدا و هاتشعروا ان زي ما يكون هم و إنزاح من عليكم و باقي اليوم هاتكونوا مرتاحين جدا و مليانين طاقة

الشغل السهل دايما بيكون مغري جدا أننا نقوم به و بنفضل نأجل فى الشغل الصعب.....الناس الناجحين و الوعيين بس هما اللي بيقدروا يقاوموا الشعور ده

و دايما بيكونوا ناصحين و يخلصوا من الشغل الصعب فى الاول.....

لأنهم بيكونوا عارفين النتيجة الهائلة و الشعور الجميل و الايجابي اللي هايشعروا به فى الاخر.

الصعب دايما بيتحول للأسهل لو قدرنا نجزأه أجزاء صغيرة مقبولة و نبدأ خطوة بعد خطوة بإلتزام لغاية ما ننجز كل الشغل الصعب.


و اول ما الصعب بيخلص بتلاقي السهل بيخلص لوحده......و كأن ده جائزة لك, لانك خلصت الصعب.

فى بداية اليوم بنكون فى قمة طاقتنا و نشاطنا فاستغل الوقت ده و إخلص من الشغل الصعب قبل ما طاقتك تخلص علي الفاضي و علي الامور اللي مش مستهلة.


الناس الناجحين و المتميزين دايما دايما بيخلصوا شغلهم قبل ميعاده

و بيكونوا مستعدين و هما مستعدين!!. و ده اللي بيخليهم ينجحوا و يتقدموا و يتميزوا عن باقي الناس و اللي بتفضل تأجل فى شغلها و تتزنق علي اخر وقت.
أوعوا تكونوا زي الناس العادية دي... خليكم انتم كمان متميزين و خلصوا دايما الاشغال و المذاكرة و المشاريع اللي وراكم بدري عن اي ميعاد تسليم.

ألتأجيل هايخليكم حاسين بضغط و توتر عصبي انتم في غني عنه.


أيه الاخبار عندك يا اسلوبي؟
اسلوبي :بحر بلطيم ده يجنن قولتلك الميه حسيرة......بس انا جعت خالص و محضرلنا حلة محشي ايه حكاية
حلة محشيَ كمان!!! و ياتري اشتريت فريسكا و ام الخلول و لا مالاقتش؟
(اسلوبي: مستغرب اوي و لا حتي بياع واحد علي الشط ....انا هاطلع بقي العب بالرملة شوية الحق الشمس قبل ما تروح....

أسلوبي: شير, لايك وإنستجرام

أبدأ بالسهل؟ ولا بالصعب؟ | مبدأ 17 من سلسلة 21 مبدأ لحياة أكثر إيجابية أسلوب osloop

الحلقة موجودة كاملة كتابة على موقع أسلوب دوت كوم, وعلى برامج أسلوب للأيفون والأندرويد
إعمل متابعة\سابسكرايب لقناة أسلوب على يوتيوب, علشان توصلك حلقاتنا أول لما تنزل
http://bit.ly/osloop-sub
وكمان نزل برامج أسلوب للأيفون والأندرويد… علشان توصلك جميع حلقات أسلوب بالترتيب الصحيح
نزل أسلوب على ‫#‏موبايلك‬ ‫#‏الأندرويد‬ من هنا:
http://bit.ly/osloop-android
وأسلوب ‫#‏أيفون‬ من هنا:
http://bit.ly/osloop-iOS-eg
وده, ‫#‏موقع‬ أسلوب:
http://www.osloop.com
وده أسلوب على فايسبوك:
https://www.facebook.com/osloop.life/
وده أسلوب على انستاجرام:
https://www.instagram.com/osloop.life/
وأكيد أسلوب على تويتر:
https://twitter.com/OsloopLife